Hoholun 隨手寫 Vol.4

上個月去完 CWE 返黎，諗住更新個 video 同埋遊記上黎啦，點乜知中晒毒，成個網死埋，唔單止咁，我部機都死埋，搞左成個月，W-iMaX is back!!

 講返上個月果個 trip，真係幾正，同大陸兩個摔角手打左場 Tag Team，真係好爽，大家想睇既話可以響 W-iMaX 個網首頁有條 link 可以 download。但係，早兩日收到 CWE 大佬 Slam 既消息，就係話 CWE 經費不足被迫關閉。而佢地既擂台亦都要賣，一班咁好既摔角手就咁無左。我地其實已經諗緊買唔買佢地個擂台好，一個全新既擂台價錢大約係 (美國：30000港幣, 台灣,日本：40000港幣, 中國：25000)，佢地開比我地既價 10000 都幾吸引，但係就算比到台擂台，又要搵地方租亦都係一個問題，條數仲計緊，如果有各位兄弟想問更多資料，或者係有興趣一齊夾錢玩，又或者有乜野意見，都歡迎搵我 (睇完呢篇野會有我既 contact)。

早個星期搵左班網友打摔角，原來發覺比人 Chokeslam 既時候，響好高好高摔落黎既感覺幾過癮，但係，痛果陣仲過癮 ........

我開始游說到一Ｄ話「摔角是假」既人，其實摔角係一個表演，唔係一個要打死人既遊戲，摔角比賽既目的唔係要打贏，而係打一場精彩既比賽。但係摔角手所做既野普通人係做唔到，試過踏上擂台，一下一下咁樣比人摔落黎，頭超級痛，先更加驗到呢樣野。

今個月開學，幾過癮，最過癮既係，全班只係得四個人，仲要係男仔，好彩我把池得住，如果唔係實變基佬，個 ar sir 見個個係男人，上堂講下鹹野其實都幾過癮。佢地話下一科會有多Ｄ人黎讀，希望係咁啦。

我發現 Photoimpact 第八代個封面果個人，好似 Eddie Guerrero ^++^。

email hoholun@w-imax.hk
icq 36572511

-Hoholun
2004/10/31