Hoholun 隨手寫 Vol.2

唔好意思，最近忙著搞讀書既野，隨手寫第二集今日先出到。

 老餅家訪

 早幾日去左老餅屋企，影下相遲Ｄ放上黎 W-iMaX，佢果Ｄ虎面人收藏真係多到不得了，連五十年代果Ｄ漫畫，都齊晒咁滯，西利。Ｅ家整住一兩張吊下你地癮先，遲Ｄ會慢慢響「老餅話你知」果度慢慢介紹。

放榜

早幾日會考放榜，小弟係其中一個考生，返學校拎返張成績表既時候，竟然遲到。不過都比我見到好多奇怪既野。我有個同學拎左 27 分，四條 A，不過英文得條 D，佢唔甘心，竟然戇居居洗幾百蚊去 check 卷。不過一千個都未必有一個得，我估佢都係想捐錢比考評局。又有Ｄ人 20 幾分話自已好廢好廢，果Ｄ真係一見到即刻想比佢一個 Low Blow。小弟都係得 10 分，不過已經搵定晒做乜，唔洗周圍騰。

SummerSlam Meeting 

本來就話 SummerSlam Meeting 響 21 號搞，不過睇黎都係搞唔成，聽日就截止報名，到現在都係得十個人左右，現在搞 meeting 真係搞到無乜癮，睇摔角既人越黎越少，肯出黎一齊睇下既更小。唉。。。。。。。

-Hoholun
2004/8/13